"გიგა ჭელიძე საქართველოს პარლამენტის წინააღმდეგ" - საკონსტიტუციოში განმწესრიგებელი სხდომა გაიმართა

„გიგა ჭელიძე საქართველოს პარლამენტის წინააღმდეგ„ - საკონსტიტუციო სასამართლოში განმწესრიგებელი სხდომა გაიმართა. მოსარჩელე მხარე განმარტავს რომ ბუნდოვანია, „იარაღის შესახებ" კანონი, რომლის თანახმადაც, საბრძოლო მასალის მართლსაწინააღმდეგო შეძენა ან შენახვა დანაშაულს წარმოადგენს და თავისუფლების აღკვეთით სამიდან ექვს წლამდე ვადით ისჯება.

მოსარჩელეს მიაჩნია, რომ კანონს სასამართლო ბრალდებულის საწინააღმდეგოდ იყენებს, ვინაიდან საბრძოლო მასალის შეძენის უფლება მხოლოდ კანონით განსაზღვრულ პირებს აქვთ.

ჭელიძე აცხადებს, რომ პოლიციელებმა მის საცხოვრებელში საბრძოლო მასალა აღმოაჩინეს, რის გამოც საპყრობილეში 3 წელი გაატარა. იგი ამტკიცებს, სამართლებრივი დავა უკანონო იყო და სწორედ ამიტომაა აუცილებელი კანონში ცვლილება.