ახალი ამბები • 1714047147
ეროვნულ გამოცდებზე 19 400-ზე მეტი აბიტურიენტია რეგისტრირებული - NAEC
შეფასებისა და გამოცდების ეროვნული ცენტრი 2024 წლის გამოცდებზე დარეგისტრირებულთა შუალედურ სტატისტიკას აქვეყნებს.
22 მარტის 10:00 საათის მონაცემები ასეთია:
ერთიანი ეროვნული გამოცდებისათვის რეგისტრაცია 19 400-ზე მეტმა აბიტურიენტმა გაიარა;
სტუდენტთა საგრანტო კონკურსში მონაწილეობის სურვილი 850-ზე მეტმა სტუდენტმა გამოთქვა;
საერთო სამაგისტრო გამოცდისათვის ელექტრონული განაცხადი 2 700-ზე მეტმა შეავსო.
„შეფასებისა და გამოცდების ეროვნული ცენტრი კიდევ ერთხელ შეახსენებს გამოცდებში მონაწილეობის მსურველებს, რომ 4 აპრილის 18:00 საათის შემდეგ მსურველები გამოცდებისათვის ვეღარ დარეგისტრირდებიან.
ცენტრი ურჩევს გამოსაცდელებს, დეტალურად გაეცნონ რეგისტრაციის შესახებ ოფიციალურ ვებგვერდზე: ww.naec.ge გამოქვეყნებულ ინფორმაციას“,- ნათქვამია შეფასებისა და გამოცდების ეროვნული ცენტრის განცხადებაში.
შეგახსენებთ, ერთიანი ეროვნული გამოცდებისათვის, სტუდენტთა საგრანტო კონკურსისათვის, საერთო სამაგისტრო გამოცდისათვის რეგისტრაცია 4 აპრილის 18:00 საათამდე გაგრძელდება.
1713428324