ბათუმში, ევროპის ჩემპიონატის ნახევარფინალისადმი მიძღვნილი ღონისძიება გაიმართება - რა არის დაგეგმილი?

ბათუმის ბულვარში, კოლონადებთან ევროპის ჩემპიონატის ნახევარფინალისადმი მიძღვნილი ღონისძიება გაიმართება. მაყურებლის წინაშე აჭარაში მოღვაწე ანსამბლები და ბენდები წარსდგებიან. კონცერტის განმავლობაში, 21 წლამდელთა ევროპის ჩემპიონატის ნახევარფინალის მატჩის ბილეთები და სხვა საჩუქრები გათამაშდება.

14:00 საათზე "ბათუმი არენას" სტადიონიდან საზეიმო მსვლელობა მოეწყობა ბულვარის კოლონადებისკენ. ნებისმიერ მსურველს შეუძლია მნიშვნელოვანი სპორტული მოვლენის აღმნიშვნელ მსვლელობას შეუერთდეს.

კონცერტის დასრულების შემდეგ, 5 საათზე, ბსუ-ს ბენდი ცენტრალური სტადიონისკენ აიღებს გეზს და საზეიმო მსვლელობით ჩემპიონატის ნახევარფინალის მატჩის დაწყებას აღნიშნავს.