"მანქანას ცეცხლი გაუჩნდა, კონტროლი დაკარგა" - ავარიას უცხოეთში საქართველოს მოქალაქე ემსხვერპლა

ავარიას უცხოეთში საქართველოს მოქალაქე ემსხვერპლა. შემთხვევა პოლონეთში, ლააზიკა გორნში მოხდა. ინფორმაციას ადგილობრივი მედია ავრცელებს.

გამოცემის ცნობით, მანქანას, რომლითაც ქართველი გადაადგილდებოდა, ცეცხლი გაუჩნდა. იგი ადგილზე დაიღუპა. მასთან ერთად ტრანსპორტში კიდევ ერთი პირი იმყოფებოდა, რომელმაც ცეცხლმოკიდებული მანქანიდან გადასვლა მოასწრო. ის მძიმედ არ დაშავებულა.

ადგილზე სახანძრო-სამაშველო სამსახურის ოთხი ბრიგადა მუშაობდა. ახლა პოლიცია ავარიის გარემოებებს იძიებს.

„შემთხვევა დღეს 6 საათამდე მოხდა. ზორიიდან კატოვიცესკენ მიმავალი BMW-ს მანქანის მძღოლმა, სავარაუდოდ, სატრანსპორტო საშუალების კონტროლი დაკარგა, შევარდა ენერგო ინტენსიურ ბარიერებში, შემდეგ კი ახლომდებარე თხრილში გადავიდა, სადაც მანქანას ცეცხლი გაუჩნდა. მგზავრმა მანქანა თავისით დატოვა, მძღოლი გაჩერდა და ადგილზე გარდაიცვალა", - ამბობს პოლიციის შტაბის საგზაო დეპარტამენტის წარმომადგენელი მიკოლოვიდან.