ბათუმში, ავტომობილში 70 წლის ქალი უგონო მდგომარეობაში იპოვეს - ის კლინიკაში გარდაიცვალა

ბათუმში, ავტომობილში 70 წლის ქალი უგონო მდგომარეობაში იპოვეს. შემთხვევა დღისით, კახაბრის დასახლებაში მოხდა.

ფაქტის თვითმხილველი TV25.GE-ის უყვება, რომ ქალი მანქანაში ოჯახის წევრმა იპოვა და სასწრაფო დახმარება გამოიძახა. მისივე ინფორმაციით, სამედიცინო დახმარების ჯგუფმა დაიგვიანა, რის გამოც მოქალაქე კლინიკაში თავად წაიყვანეს. პაციენტის გადარჩენა ვერ მოხერხდა. ის დაწესებულებაში შეყვანიდან, რამდენიმე წუთში დაიღუპა. მიზეზი, სავარაუდოდ, გულის შეტევა გახდა.

მომხდარზე გამოძიება დაწყებულია.