ავარიას ახალგაზრდა ქალი ემსხვერპლა - უკიდურესად მძიმეა 7 წლის ბავშვის მდგომარეობა

ავტოსაგზაო შემთხვევა მსხვერპლით დასრულდა - მსუბუქ ავტომობილს, რომელშიც ცოლ-ქმარი და მათი შვილი იმყოფებოდა, ტრაილერი შეეჯახა. შემთხვევა ცოტა ხნის წინ, კახეთში, ბაკურციხე-თბილისის დამაკავშირებელ მაგისტრალზე მოხდა.

ავარიის შედეგად, მანქანაში მყოფი ახალგაზრდა ქალი ადგილზე გარდაიცვალა. დაშავდნენ მისი 7 წლის შვილი და მეუღლე. სასწრაფო-სამედიცინო დახმარების ჯგუფმა დაშავებულები გურჯაანის კლინიკაში გადაიყვანა. ექიმების განმარტებით, არასრულწლოვნის ჯანმრთელობის მდგომარეობა უკიდურესად მძიმეა და მას თბილისში გადაყვანა სჭირდება.

მიმდინარეობს საგამოძიებო მოქმედებები.