შეიარაღებული დაპირისპირება - დაიღუპა ერთი ადამიანი, ერთი კი დაიჭრა

შეიარაღებული დაპირისპირება გორში - რკინიგზის სადგურის დასახლებაში მომხდარი ინციდენტის შედეგად, ორმა პირმა სხეულის დაზიანება მიიღო.

ორივე მათგანი სასწრაფო დახმარების ჯგუფმა გორის ჰოსპიტალში გადაიყვანა, თუმცა ერთ-ერთი დაშავებული, რომელსაც ცეცხლსასროლი იარაღით დაზიანება თავის არეში ჰქონდა მიყენებული, კლინიკაში მიყვანამდე გარდაიცვალა.

მეორე დაჭრილს გადაუდებელი ქირურგიული ოპერაცია უტარდება.

შინაგან საქმეთა სამინისტროს ცნობით, მომხდარზე ერთი პირი დააკავეს. მიმდინარეობს საგამოძიებო მოქმედებები.