სანადიროდ მყოფი კაცი თანასოფლელის თოფიდან გასროლით დაიღუპა

სანადიროდ მყოფი 33 წლის კაცი თანასოფლელის თოფიდან გასროლით დაიღუპა. შემთხვევა გურჯაანის მუნიციპალიტეტის სოფელ ვეჯინში მოხდა.

ახლობლების ცნობით, ისინი ფრინველებზე ნადირობდნენ, რა დროსაც ერთ-ერთს სანადირო თოფი შემთხვევით გაუვარდა და კაცს თავის არეში მოხვდა. მიღებული დაზიანებებით, პირი ადგილზე გარდაიცვალა.

შინაგან საქმეთა სამინისტროს ინფორმაციით, კაცი დაკავებულია. გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.