სომხეთსა და აზერბაიჯანს შორის ომი დაიწყო

სომხეთსა და აზერბაიჯანს შორის ომი დაიწყო. მთიანი ყარაბაღის ტერიტორიაზე, სამხედრო ოპერაცია აზერბაიჯანულმა არმიამ განაახლა. ინფორმაციას აზერბაიჯანული მედია ავრცელებს.

აზერბაიჯანის თავდაცვის სამინისტრო მთიან ყარაბაღთან დაკავშირებით განცხადებას ავრცელებს და ამბობს, რომ "კონსტიტუციური სტრუქტურის აღდგენის მიზნით, რეგიონში ანტიტერორისტული ღონისძიებების" გატარებაა დაწყებული.

უწყების მტკიცებით, ამას წინ უძღოდა სომხეთის შეიარაღებული ძალების ქვედანაყოფების მიერ, მთიან ყარაბაღში საარტილერიო ცეცხლის გახსნა აზერბაიჯანის სამხედროებისთვის - მათი თქმით, შესაბამისი ზომები, ამის "საპასუხოდ" მიიღეს.