დაღუპულთა რიცხვი 162-მდე გაიზარდა - დამანგრეველი მიწისძვრა ინდონეზიაში

ინდონეზიის დასავლეთ ჯავის პროვინციაში, ძლიერი მიწისძვრის შედეგად დაღუპულთა რიცხვი 160-მდე გაიზარდა. მაშველები ნანგრევების ქვეშ მყოფებს ისევ ეძებენ. მიწისძვრის ეპიცენტრი დასავლეთ ჯავაში, ქალაქ ციანჯურთან იყო.

ინდონეზიის კატასტროფების შესუსტების სააგენტომ (BNPB) განაცხადა, რომ დანგრეული შენობების ქვეშ ათობით ადამიანი რჩება და მათ ამოსაყვანად სამუშაოები ისევ გრძელდება.

"ვარაუდობენ, რომ დაშავებულთა და დაღუპულთა რიცხვი დროთა განმავლობაში გაიზრდება."- ამბობს ჯავის გუბერნატორი, რიდვან კამილი.

BNPB-ის ცნობით, მიწისძვრის შედეგად 2200-ზე მეტი სახლი დაზიანდა.