ოთხწლიანი პაუზის შემდეგ, ბათუმში, კამელიების ტრადიციული გამოფენა ისევ გაიმართება - როდის და სად?

ოთხწლიანი პაუზის შემდეგ, კამელიების ტრადიციული გამოფენა ისევ გაიმართება. მსურველებს "კამელიის" სახეობების და ჯიშების ნახვა 26 მარტს, ბათუმის ბოტანიკური ბაღში, 13:00-17:00 საათზე შეეძლებათ. 

გამოფენაზე წარმოდგენილი იქნება ამ გვარის 5 სახეობა: იაპონური, მთის ანუ ევგენოლის, ბადისებრი, ზეთოვანი და ჩინეთის კამელია. ასევე, იაპონური კამელიის 78  ჯიში, მთის ანუ ევგენოლის 18 ჯიში და ბაღში გამოყვანილი 25 ჰიბრიდული ფორმა.

ღონისძიება ბოტანიკური ბაღის ცნობიერების გაზრდას, კერძოდ, კი ბაღის კოლექციაში არსებული გვარ „კამელიის“ ჯიშებისა და ფორმების გავრცელებას შეუწყობს ხელს.

26 მარტს, საქართველოს მოქალაქეებისათვის ბაღში შესვლა უფასოა.