როდის იქნება კოვიდის საწინააღმდეგო ბივალენტური ვაქცინა საქართველოში? - ივანე ჩხაიძის განმარტება

კორონავირუსის საწინააღმდეგო ბივალენტური ვაქცინა, საქართველოში, სავარაუდოდ, შემოდგომისთვის იქნება. ამის შესახებ, იმუნიზაციის ტექნიკურ მრჩეველთა ეროვნული ჯგუფის ხელმძღვანელმა განაცხადა. ივანე ჩხაიძის თქმით, იგი, ისევე, როგორც გრიპის აცრა, რისკ-ჯგუფებისთვის, წელიწადში ერთხელ ვაქცინირებისთვის იქნება შეთავაზებული.

სპეციალისტი ამბობს, რომ ქვეყანაში კორონავირუსის შემთხვევები არის, მაგრამ - ძალიან მცირე რაოდენობით. ჩხაიძის განმარტებით, ყველაზე მნიშვნელოვანი 2023-2024 წლის ზამთრის სეზონისთვის მზადება იქნება, სადაც დადგება საკითხი, რომელი ვაქცინა უნდა შეარჩიოს ქვეყანამ გრიპთან ერთად რისკის ჯგუფებისთვის.