ქორწილი რეგულაციების დარღვევით

ქორწილი კოვიდ რეგულაციების დარღვევითა და პოლიტიკოსების მონაწილეობით. გუშინ, ბათუმში ერთ-ერთ სარიტუალო დარბაზში „ნაციონალური მოძრაობის“ წევრის წვეულება გაიმართა, რომელსაც პარტიის ლიდერები ესწრებოდნენ. „მიშა მაგარია“ - ამ სიმღერის ფონზე ოპოზიციონერ დეპუტატებთან ერთად ოჯახის ახლობლებიც ქეიფობდნენ. ღონისძიება სოციალურ ქსელის მეშვეობით პირდაპირ ეთერში გადაიცემოდა, თუმცა, შრომის ინსპექციას ფაქტზე, ამ დრომდე, რეაგირება არ მოუხდენია. „TV25“ ნაციონალური მოძრაობის წევრებისა და შრომის ინსპექციის სამსახურის კომენტარს მიღებისთანავე შემოგთავაზებთ. ცნობისთვის, ოპოზიცია მსგავსი ფაქტების გამო, ხელისუფლებას ხშირად აკრიტიკებდა. უწყებათაშორისი საკოორდინაციო საბჭოს გადაწყვეტილებით, ქორწილის, ქელეხისა და სხვა ღონისძიებების გამართვა კვლავ აკრძალულია.