სერვისის გაუმჯობესების მიზნით, აჭარაში მოქმედი ბარმენებისთვის ტრენინგები ჩატარდა

აჭარაში მოქმედი ბარმენებისთვის ტრენინგები ჩატარდა. მიზანი სერვისის გაუმჯობესებაა. მონაწილეები ბარმენის მუშაობის ძირითად პრინციპებს, კლასიკური ალკოჰოლური კოქტეილების მომზადების ტექნიკას, ბარის მუშაობის სტანდარტებსა და ტიპებს გაეცნენ.

შეისწავლეს ბარის პროდუქციის ასორტიმენტი, მენიუსა და ღვინის რუკის შედგენაც. თეორიული ნაწილის დასრულების შემდეგ, ბარმენები სხვადასხვა კოქტეილის მომზადების პრაქტიკულ გაკვეთილს დაესწრნენ და სასმელები თავადვე მოამზადეს.

ტურიზმის სექტორის წარმომადგენლებისთვის სწავლებები წლის ბოლომდე გაგრძელდება.