პოლიტიკური პარტიები იურიდიული პირებისგან ფინანსური შემოწირულებების მიღებას ვეღარ შეძლებენ - კანონპროექტი

პოლიტიკური პარტიები იურიდიული პირებისგან ფინანსური შემოწირულებების მიღებას ვეღარ შეძლებენ, იურიდიულ პირებს კი პარტიებისთვის შემოწირულებების გაცემა აეკრძალებათ. ამას "მოქალაქეთა პოლიტიკური გაერთიანებების შესახებ" კანონში შესატანი ცვლილებები ითვალისწინებს, რომლის განხილვასაც პარლამენტი მიმდინარე კვირიდან დაიწყებს. კანონპროექტის ინიციატორები „ქართული ოცნების“ წევრები არიან.

მმართველ გუნდში ამბობენ, რომ სიახლე დეოლიგარქიზაციის სამოქმედო გეგმის ნაწილია. ოპოზიციას ხელისუფლების ამ არგუმენტის არ სჯერა.