მიხეილ სააკაშვილი სასამართლო პროცესს დისტანციურ რეჟიმში ესწრება

მიხეილ სააკაშვილი, საკუთარ სასამართლო პროცესს კლინიკა "ვივამედიდან" დისტანციურად ერთვება. დღევანდელ პროცესზე დაცვის მხარის მოწმეები უნდა დაკითხონ. სხდომას, მიხეილ სააკაშვილის ოჯახის წევრებთან, ახლობლებთან და მხარდამჭერებთან ერთად "ერთიანი ნაციონალური მოძრაობის" ახალი თავმჯდომარე, ლევან ხაბეიშვილიც ესწრება.

ექსპრეზიდენტისთვის სასჯელის გადავადების, ან სასჯელისგან გათავისუფლებასთან დაკავშირებით სასამართლოს, შუამდგომლობით, სააკაშვილის ადვოკატებმა მიმართეს. მას  მოსამართლე გიორგი არევაძე განიხილავს.