დასრულდეს "ბორინკას" მმართველობა - ენმ ანტისაოკუპაციო აქციებს იწყებს

ერთიანი ნაციონალური მოძრაობა, ბათუმში, ანტისაოკუპაციო აქციებს იწყებს. ისინი აჭარის მთავრობის სახლთან შეიკრიბნენ. ოპოზიციაში აცხადებენ, რომ საქართველო ოკუპირებულია, ხელისუფლება კი პრორუსულ პოლიტიკას ატარებს.

რეზო ხარაზის თქმით, საზოგადოება ვერ აღიქვამს რა მძიმე მდგომარეობაშია ქვეყანა. მისივე განცხადებით, მიხეილ სააკაშვილს ციხეში, პუტინის დაკვეთით კლავენ. ოპოზიცია ექსპრეზიდენტის გათავისუფლების მოთხოვნით, მასშტაბურ საპროტესტო აქციას 6 მაისისთვის აანონსებს.

ხელისუფლების ოპონენტები ამბობენ, რომ ამ ქვეყანაში ე.წ ბორინკას მმართველობა უნდა დასრულდეს და ამ ყველაფრისთვის პროტესტია საჭირო.