2 საათი პრეზიდენტის იმპიჩმენტის საკითხის განხილვამდე - რას წერს ზურაბიშვილი სოციალურ ქსელში?

დღეს, საქართველოს საკონსტიტუციო სასამართლო პრეზიდენტის იმპიჩმენტის საკითხის წარდგინებას ზეპირი მოსმენით განიხილავს. არსებითი განხილვა 12:00 საათზე ჩაინიშნა, რომელსაც სავარაუდოდ, სალომე ზურაბიშვილი არ დაესწრება.

ქვეყნის მთავარსარდალმა რამდენიმე წუთის წინ სოციალურ ქსელში დაწერა, რომ მის წარმომადგენლებს სრულ ნდობას უცხადებს.

"ჩემი სრული ნდობა ჩემს ორ წარმომადგენელს საკონსტიტუციო სასამართლოში - თამარ ჩუგოშვილსა და მაია კოპალეიშვილს", - წერს პრეზიდენტი.

შეგახსენებთ, პირველ სექტემბერს ცნობილი გახდა, რომ "ქართული ოცნება" ზურაბიშვილის წინააღმდეგ იმპიჩმენტის პროცედურას იწყებს. მიზეზად პარტიაში მთავრობის უარის მიუხედავად, პრეზიდენტის ევროპაში გამგზავრება დაასახელეს, რითაც მან "უხეშად დაარღვია კონსტიტუცია".