12 წელი „ოცნების“ მმართველობიდან

12 წელი „ქართული ოცნების“ ხელისუფლებაში მოსვლიდან. ბიძინა ივანიშვილის თაოსნობით „ქართული ოცნების“ კოალიციამ 2012 წლის 1 ოქტომბრის არჩევნებში გაიმარჯვა და მესამე ვადით არის ხელისუფლებაში. სახელისუფლებო გუნდი, რომელმაც ამ პერიოდის განმავლობაში არაერთი დაპირება გასცა და არ შეასრულა, მოსახლეობას წინასაარჩევნოდ კვლავ მხარდაჭერას სთხოვს. ივანიშვილი ხალხს მაშინ კარგ ცხოვრებას, იაფ კომუნალურებს, უპროცენტო კრედიტებს, ფაბრიკა ქარხნების ამუშავებას, მაღალ ხელფასებს და სხვა სიკეთეებს ჰპირდებოდა, თუმცა 12 წლის შემდეგაც ეს დაპირებები შეუსრულებელია. ამ ფონზე კი ოცნებას ყურადღება ომისა და მშვიდობის შედარებაზე გადააქვს და ხალხში ჩვეული ნარატივით პროპაგანდისტულ მესიჯებს გზავნის, რომ თუ ხელისუფლებაში ოპოზიცია მოვა, ქვეყანას ომი არ ასცდება.