თურქეთში ინსტაგრამი დაბლოკეს

ქვეყნის ტექნოლოგიებისა და კომუნიკაციების სამმართველოს გადაწყვეტილებით, თურქეთში სოციალური ქსელი ინსტაგრამი დაბლოკეს. რამდენ ხანს გაგრძელდება შეზღუდვა ჯერჯერობით უცნობია, ადგილობრივი ხელისუფლების თქმით, აკრძალვა მას შემდეგ მოიხსნება, როგორც კი სოციალური ქსელი ჰანიეს მკვლელობაზე ცენზურას მოხსნის.

ცნობისთვის, თურქეთის პრეზიდენტის კომუნიკაციების სამსახურის ხელმძღვანელმა, ფაჰრეთინ ალთუნმა ინსტაგრამის ხელმძღანელობის გადაწყვეტილება გააკრიტიკა, რომლის თანახმადაც, ინსტაგრამში ჰამასის ლიდერის, ისმაილ ჰანიეს მკვლელობასთან დაკავშირებული სამძიმრის შემცველი ჩანაწერების გავრცელება შეიზღუდა. ალთუნი ამბობდა, რომ სოციალური ქსელი ცენზურის დამყარებას ცდილობს.