მონაზონს სასტიკად სცემეს და გააუპატიურეს - სავარაუდო ყაჩაღობის ფაქტი

ქალზე ძალადობის მორიგი ფაქტი - მსხვერპლი, ამჯერად, მონაზონია. სურამის ეპარქიის დედათა მონასტერში, სავარაუდოდ ყაჩაღობის მიზნით, ორი პირი შეიჭრა.

უცნობებს მონასტრის იღუმენიამ და წევრებმა წინააღმდეგობა გაუწიეს, რა დროსაც მათ ფიზიკურად გაუსწორდნენ. ერთ-ერთი მონაზონი თავდამსხმელმა გააუპატიურა.

სასულიერო პირი სამედიცინო დაწესებულებაში გადაიყვანეს. მას ტვინის შერყევა, სხეულისა და სახის არეში მიყენებული მრავლობითი დაზიანებები აღენიშნება.

საქმე აღძრულია სსკ-ის 179-ე, ყაჩაღობისა და 137-ე, გაუპატიურების მუხლებით. დაკავებულია 2 პირი.