აჭარის მთავრობის აპარატის ხელმძღვანელსა და დაუსრულებელი მშენებლობებით დაზარალებულ მოქალაქეებს შორის შეხვედრა შედგა

მოთხოვნა დაკმაყოფილებულია - აჭარის მთავრობის აპარატის ხელმძღვანელსა და დაუსრულებელი მშენებლობებით დაზარალებულ მოქალაქეებს შორის შეხვედრა ცოტა ხნის წინ დასრულდა. ადგილობრივები ხელისუფლებას პასუხისმგებელ კომპანიებთან შუამდგომლობას სთხოვენ.

მათთან ერთად იმყოფებოდა უფლებადამცველიც. თამაზ ბაკურიძის ინფორმაციით, მმართველი გუნდის წარმომადგენელმა, პირობა დადო, რომ ერთი კვირის ვადაში, ბათუმის მერი, მოქალაქეებთან ერთად, კომპანიის ხელმძღვანელობას შეხვდება და მათ პრობლემების გადაჭრაში დაეხმარება.

შეგახსენებთ, დაუსრულებელი მშენებლობების შედეგად, ღია ცის ქვეშ დარჩენილმა ოჯახებმა, მათი პრობლემების მოგვარების მოთხოვნით 17 მაისს აქცია გამართეს.