მაღალმთიანეთში თოვლის საფარი 1 მეტრს აღწევს - რა მდგომარეობა მუნიციპალიტეტებში?

ხულოს, შუახევის, ქედის, ხელვაჩაურისა და ქობულეთის მუნიციპალიტეტებში მაღალი ზონის სოფლებში თოვლის საფარისგან საავტომობილო გზების გაწმენდა გრძელდება. დასკვნით ეტაპზეა თემებთან დამაკავშირებელი მონაკვეთების გასუფთავებაც.

მაღალი ზონის სოფლებში თოვლის საფარის სიმაღლე 1 მეტრს აღწევს, ხოლო დაბლობში 20-30 სანტიმეტრია. მაღალი გამავლობის ავტომობილების გადაადგილება დაშვებულია ყველა მიმართულებით. ინფორმაცია ვიდეო მასალასთან ერთად აჭარის საავტომობილო გზების დეპარტამენტმა მოგვაწოდა.