მაღალმთიან აჭარაში მოსახლეობის და მემთეურების ავადობის უფასო კვლევა მიმდინარეობს

მაღალმთიან აჭარაში  მოსახლეობის და მემთეურების ავადობის უფასო კვლევა მიმდინარეობს. ვიზიტების ფარგლებში სხვადასხვა პროფილის ექიმის კონსულტაცია და დიაგნოსტიკური კვლევა ტარდება. მასში ჩართულია ოჯახის ექიმი, ნევროპათოლოგი, კარდიოლოგი, ენდოკრინოლოგი და რადიოლოგი. საჭიროების შემთხვევაში გაიცემა მედიკამენტების პაკეტი. ამჯერად, სამედიცინო ჯგუფის მორიგი ვიზიტი ქედის მუნიციპალიტეტის მთა ნაკონაღვარში შედგა. პროგრამის ფარგლებში მაღალმთიან აჭარაში უკვე განხორციელდა 14 ვიზიტი და გამოკვლეულია 600-მდე ბენეფიციარი. მიზანი, ადგილობრივი მოსახლეობის ჯანმრთელობის მდგომარეობის დროული შეფასება და სხვადასხვა პათოლოგიის თავიდან აცილებაა.