აჭარის მთავრობა სტიქიის და ხანძრის შედეგად დაზარალებულ 69 ოჯახს დაეხმარება

აჭარის მთავრობა სტიქიის და ხანძრის შედეგად დაზარალებულ 69 ოჯახს თანხებს  გამოუყოფს. გადაწყვეტილება სტიქიით მიყენებული ზიანის სალიკვიდაციო შერეული სამთავრობო კომისიის  სხდომაზე მიიღეს.

აჭარის ჯანდაცვის სამინისტროს ინფორმაციით, სარეზერვო ფონდიდან თანხის გამოყოფის შესახებ დადებითი რეკომენდაცია ყველა ოჯახზე გასცა, ჯამში 785 308 ლარის ოდენობით. სტიქიისა და ხანძრის შედეგად დაზარალებულ ოჯახებს ფინანსური დახმარება საცხოვრებელი ფართების აღდგენა-გამაგრებისა და ადგილმონაცვლეობისათვის მიეცემათ. ჯამში  4 676 395 ლარი, 520 ოჯახისთვის გამოიყო.