ბათუმი კეთილსინდისიერებასთან დაკავშირებულ პირველ საერთაშორისო კონფერენციას მასპინძლობს

„აკადემიური კეთილსინდისიერება და დისტანციური სწავლება საგანგებო სიტუაციის დროს“ - ბათუმი კეთილსინდისიერებასთან დაკავშირებულ პირველ საერთაშორისო კონფერენციას მასპინძლობს. ღონისძიება, შოთა რუსთაველის სახელმწიფო უნივერსიტეტისა და ილიას სახელმწიფო უნივერსიტეტთან თანამშრომლობით იმართება.

კონფერენციის მთავარი მიზანი აკადემიურ კეთილსინდისიერების დაცვასთან დაკავშირებული გამოცდილების გაზიარებაა. განხილვის ძირითადი თემა პანდემიის პირობებში შექმნილი საგანგებო მდგომარეობით გამოწვეული ვითარება, ონლაინ სწავლების პროცესი და ამ ფონზე, აკადემიური კეთილსინდისიერების პრინციპებია.

შეხვედრას 15 უმაღლესი სასწავლებლისა და განათლების სფეროს წარმომადგენლები ესწრებოდნენ.