ბაღებში სააღმზრდელო პროცესი განახლდა - პირველი დღის ემოციები რეპორტაჟში

საბავშვო ბაღებში სააღმზრდელო პროცესი განახლდა. ბათუმის ყველა საბავშვო ბაღში აღსაზრდელებს გასართობი ღონისძიებებით დახვდნენ. განსაკუთრებული დღეა იმ ბავშვებისთვის, რომლებმაც შენობაში წელს ფეხი პირველად შეაბიჯეს. პატარებისთვის მშობლებთან საათობით განშორება უცხოა, რის გამოც შეგუებაც უჭირთ და ხშირად პროცესი ცრემლებამდეც კი მიდის.

პატარები ტირიან და მათთან ერთად თვალები მშობლებსაც ცრემლებით ევსებათ. ალბათ ეს ყოველივე იმიტომ ხდება, რომ ბავშვების უმრავლესობას არ აქვთ გაცნობიერებული თუ რა არის ბაღი და რისთვის უწევთ დღის განმავლობაში იქ ყოფნა. დღეს, ერთ-ერთ სააღმზრდელო დაწესებულებას ვესტუმრეთ და პირველი დღის ემოციები ადგილზე კადრზე ავსახეთ.