აჭარაში, 2 სკოლა დისტანციურ სწავლებაზეა - კვირის შემაჯამებელი Covid სტატისტიკა რეგიონის სასწავლო დაწესებულებებში

აჭარის განათლების სამინისტრო რეგიონის სკოლებში არსებულ კვირის შემაჯამებელ Covid სტატისტიკას ავრცელებს.

უწყების ცნობით, ბოლო კვირის მონაცემის მიხედვით, სრულად დისტანციურ სწავლებაზეა 2 კერძო სკოლა.

ონლაინ რეჟიმზეა ცალკეული სკოლის 111 კლასი.

• ბათუმი - 80
• ქობულეთი -19
• ხელვაჩაური - 12

სამინისტროს ინფორმაციით, კოვიდი დაუდასტურდა სკოლაში დასაქმებული პერსონალის 2,9%-ს, ხოლო მოსწავლეების – 2,1%-ს.

რეგიონში კვლავ გრძელდება ვაქცინაციის პროცესი. ამ ეტაპისთვის, აცრილია მასწავლებლებისა და სკოლის ადმინისტრაციული პერსონალის 85,6%.

უწყება წერს, რომ სკოლებში აქტიურად ხორციელდება, ჯანდაცვის სამინისტროს მიერ დაწესებული, მოსწავლეთა და პედაგოგთა უსაფრთხოებისთვის რეგულაციების დაცვის მონიტორინგი.

რეგიონის საჯარო და კერძო სკოლები Covid-19-ის გამოვლენის შემთხვევაში, შიდა გავრცელების თავიდან ასაცილებლად, ისევ, მოქმედებენ საზოგადოებრივი ჯანდაცვის  რეკომენდაციის შესაბამისად და ცალკეული კლასი ან სკოლა მყისიერად გადადის დისტანციურ სწავლებაზე.

აჭარაში, სულ 229 საჯარო და 24 კერძო სკოლაა.