ახალი ამბები • 1713428324
ბოსტნეულის ხარჩო - განსაკუთრებით აქტუალურია მარხვის პერიოდში
ბოსტნეულის ხარჩო მსუბუქი, გემრიელი და ნოყიერი კერძია. იგი განსაკუთრებით აქტუალურია მარხვის პერიოდში.
დამზადების დრო: 40 წთ. ულუფა: 6.
ინგრედიენტები:
ბრინჯი 3/4;
პომიდორი 3-4ც;
ხახვი 1-2თ;
ნიორი 3-6კბილი;
ნიგოზი 1/2ჭ;
ზეთი 2ს/კ;
ქინძი, ოხრახუში თითო კონა;
ტომატი 2ს/კ;
წითელი ტყემალი 2ს/კ;
მარილი, ქინძი, პილპილი, კოჭა გემოვნებით;
მომზადების წესი:
მდუღარე მარილწყალში ჩავყაროთ ბრინჯი. ვხარშოთ 15 წთ საშუალო ცეცხლზე. ზეთში მოვხრაკოთ წვრილად დაჭრილი ხახვი. დავამატოთ კუბიკებად დაჭრილი პომიდორი და 5 წთ ვშუშოთ. შემდეგ დავამატოთ ტომატი, ტყემალი, სუნელები, ავურიოთ, 2 წთ ვშუშოთ და დავამატოთ სუპს. ვადუღოთ დაბალ ცეცხლზე 10 წთ. ამასობაში მოვხალოთ ნიგოზი, დავაქუცმაცოთ და სუპს დავამატოთ. ქინძი და ოხრახუში წვრილად დავჭრათ და კერძში ჩავყაროთ. თავზე დავაფაროთ, ცეცხლიდან გადმოვდგათ და 20-25 წთ დავაყოვნოთ.
გემრიელად მიირთვით!
1712907949
1712849156
1711347478
1711015419
1710332573