ფსიქოტროპული მედიკამენტების რეალიზაციის ფაქტზე 5 პირი დააკავეს

ე.წ. სააფთიაქო ნარკომანიის საქმიანობის 4 ფაქტზე, სისხლისსამართლებრივ პასუხისგებაში 5 პირი მიეცა. ბრალდებულები, მათივე მფლობელობაში არსებულ აფთიაქებში, ფსიქოტროპული მედიკამენტების რეალიზაციას  რეცეპტის გარეშე გასცემდნენ.  სამოქალაქო ბრუნვაში ყოველგვარი რეგულაციისა და ნებართვის გარეშე ჯამში დაახლოებით 850 ათასი  ლარის ღირებულების ფსიქოტროპული და სპეციალურ კონტროლს დაქვემდებარებული მედიკამენტი შევიდა. გამოძიება გრძელდება. დანაშაული 3-დან 5 წლამდე ვადით თავისუფლების აღკვეთას ითვალისწინებს.