უკრაინის წინააღმდეგ რუსეთის ომი 68-ე დღეს ითვლის

უკრაინის წინააღმდეგ რუსეთის ომი 68-ე დღეს ითვლის. მარიუპოლის "აზოვსტალის" ქარხნიდან, უკვე 100-ზე მეტი ადამიანის ევაკუაცია მოხდა. გათავისუფლებულები დღეს ზაპოროჟიეში უნდა ჩავიდნენ, სადაც მათ უკრაინის ხელისუფლების წარმომადგენლები შეხვდებიან.

დროებით ცეცხლის შეწყვეტის შეთანხმების მიუხედავად, მეგობარი ქვეყნის მხარე აცხადებს, რომ ამ დროისთვის, "აზოვსტალის" ქარხანაზე დარტყმები გრძელდება. დაბომბვები იყო ხარკოვის ოლქში. რუსული ჯარების იერიშს 3 ადამიანის სიცოცხლე ემსხვერპლა, დაშავდა 8 მოქალაქე.

მსხვერპლი იყო ქალაქ ლიმანშიც, სადაც დაბომბვების დროს 4 პირი დაიღუპა.