პოლონეთში, კატალიზატორის ქურდობისთვის ქართველი დააკავეს

პოლონეთში, კიდევ ერთი ქართველი დააკავეს. მას კატალიზატორის ქურდობას ედავებიან. ადგილობრივი მედიის ინფორმაციით, დამნაშავე, რომელიც მანქანიდან კატალიზატორს ხსნიდა, მოქალაქემ შენიშნა და პოლიციას აცნობა. 

შემთხვევა სლონეცნი სტოკის მამულში, ავტოსადგომზე მოხდა.

"როცა მიხვდა, რომ უთვალთვალებდნენ, კორპუსებს შორის გაიქცა, მანქანა და გასაღები დატოვა. პოლიციელებმა იგი რამდენიმე ასეულ მეტრში გააჩერეს. აღმოჩნდა, რომ დამნაშავე საქართველოს 30 წლის მოქალაქე იყო. კაცს ჭუჭყიანი ხელები და ტანსაცმელი ჰქონდა. მან ვერ აუხსნა ოფიცრებს, რას აკეთებდა იმ დროს კორპუსებს შორის. ის დააკავეს და პოლიციაში გადაიყვანეს", - განაცხადეს ბიალისტოკის მუნიციპალური პოლიციის შტაბიდან.

საქმეზე მომუშავე ქონებრივი დანაშაულის დეპარტამენტის პოლიციის თანამშრომლებმა დაადგინეს, რომ კაცი ასევე ბრალდებულია ქალაქში სხვა კატალიზატორების ქურდობაზე. სასამართლოს გადაწყვეტილებით, მას 3-თვიანი წინასწარი პატიმრობა შეეფარდა. დაკავებულს 5 წლამდე თავისუფლების აღკვეთა ემუქრება.