პუტინს ქრისტიანობასთან საერთო არაფერი აქვს, ამის თანამონაწილე რუსეთის პატრიარქი კირილეა - მიტროპოლიტი დიმიტრი

ბათუმისა და ლაზეთის მიტროპოლიტმა პუტინი და რუსეთის პატრიარქი უკრაინის წინააღმდეგ წარმოებულ ომში საჯაროდ ამხილა. ამის შესახებ დიმიტრი შიოლაშვილმა საკათედრო ტაძრის ამბიონიდან იქადაგა.

სინოდის წევრმა თავის მეგობარ რუს მღვდელმთავრებს მიმართა და უთხრა, რომ თუ ისინი არ ამხელენ რუსეთის პრეზიდენტს და არ ეცდებიან ბოროტების შეჩერებას, მაშინ იგი მათთან ურთიერთობას გაწყვეტს.

მიტროპოლიტმა უკრაინას მხარდაჭერა ღიად გამოუცხადა და თქვა, რომ პუტინს ქრისტიანობასთან საერთო არაფერი აქვს და ამის თანამონაწილე რუსეთის პატრიარქი კირილეა.