"ჩემი სახლის მმართველი" - ბათუმში, შეხვედრა გაიმართა

“ჩემი სახლის მმართველი“ - ამ სახელწოდებით შეხვედრა სამშენებლო კომპანიების, პროფესიული კოლეჯების, ბათუმის მერიის, დასაქმების სააგენტოსა და არასამთავრობო ორგანიზაციების წარმომადგენლებისთვის გაიმართა. იმსჯელეს ისეთ საკითხებზე, როგორიცაა საქართველოში ტექნიკური მომსახურების სფეროში ახალი სერვისებისა და ე.წ. „ჰაუსმასტერის“ პროფესიის დანერგვა.

მიზანი, საბინაო სექტორში არსებული გამოწვევების განხილვა და შენობა ნაგებობების მოვლასთან დაკავშირებული პრობლემების გადაჭრაში, პროფესიული განათლების მნიშვნელობის განსაზღვრა იყო. პროექტს, განათლების განვითარებისა და დასაქმების ცენტრი, გერმანიის ფედერალური საგარეო უწყების ფინანსური მხარდაჭერით ახორციელებს.