ბათუმში, მიუსაფარი ძაღლის სახლები ნაჯახით დაამტვრიეს

ბათუმში, მიუსაფარი ძაღლის სახლები დაამტვრიეს. შემთხვევა ცოტა ხნის წინ, გორგასლის ქუჩაზე მოხდა. მოქალაქე TV25.GE-ის უყვება, რომ დამნაშავემ ცხოველების სახლები ნაჯახის გამოყენებით დაამტვრია. 

მაია გვარიშვილი მომხდარის მოტივად შურისძიებას ასახელებს.

"გუშინ, ეს კაცი ძაღლების ყეფამ შეაშინა, დღეს მოვიდა და ნაჯახით დაამტვრია", - გვითხრა ქალმა.

გვარიშვილის თქმითვე, მომხდარზე პოლიციას უკვე მიმართა. სამართალდამცავებმა საქმეზე გამოძიება სსკ-ის 187-ე მუხლით დაიწყეს, რაც სხვისი ნივთის დაზიანებას ან განადგურებას გულისხმობს.