ბათუმის ავტოპარკი 10 ერთეული ავტობუსით განახლდა

ბათუმის ავტოპარკი 10 ერთეული ავტობუსით განახლდა, თვის ბოლომდე კი მათი რაოდენობა 25-მდე გაიზრდება. ,,EURO-6” ტიპის, 12 მეტრიანი ავტობუსით 100 მგზავრის გადაყვანაა  შესაძლებელი და სრულად არის  ადაპტირებული შშმ პირთათვის.  დასაქმდება 70 მძღოლი. ტრანსპორტის შესაძენად 16 მილიონ 210 ათასი ლარი დაიხარჯა. 2018 წლიდან დღემდე ბათუმის ავტოპარკი 149 ერთეული თანამედროვე სტანდარტის ავტობუსით განახლდა, მათ შორის 8 ელექტროავტობუსია. აჭარის მთავრობის ინფორმაციით, გაზრდილი მგზავრთა ნაკადიდან გამომდინარე, ახალი  ტრანსპორტი სარფისა და ხელვაჩაურის მიმართულებებით მოძრავ ავტობუსებს ჩაანაცვლებს.