სოფლის ტურიზმის ფესტივალი ,,განდაგანა“ ხვალ გაიხსნება. ორი დღის განმავლობაში, ფესტივალზე მისულ სტუმრებს საშუალება ექნებათ აჭარულ სოფლებში ქალაქიდან გაუსვლელად იმოგზაურონ და სოფლის ტრადიციებსა და თავისებურებებს გაეცნონ.
ფესტივალის ფარგლებში, აჭარის ხუთივე მუნიციპალიტეტი მათთვის დამახასიათებელი პროდუქტებით, ხილით, ტკბილეულით, ხელნაკეთი ნივთებითა და ტრადიციებით ევროპის მოედანზე იქნება წარმოდგენილი.
,,განდაგანაზე“ მისულ სტუმრებს საშუალება ექნებათ ამოავლონ ჩურჩხელა, მონაწილეობა მიიღონ ჭაჭის გამოხდაში,შეშის დაჩეხვაში, სინორისა და ბორანოს მომზადებაში, გოგრებით ბოულინგი ითამაშონ და ჩაერთონ მხიარულ შეჯიბრებებსა და მასტერკლასებში.
ფესტივალის პირველ დღეს, სტუმრების განწყობაზე ადგილობრივი ბენდები „ასეა სულ“ და „ლურჯი იალქანი“ იზრუნებს.
ფესტივალის ბოლოს კი, ყურძნის დაწურვის ტრადიციული ცერემონიაც გაიმართება.
6 ოქტომბერს, ფესტივალი ზვიად ბოლქვაძის, სოფო ბათილაშვილისა და ბენდ „ნიუტონი“-ს მუსიკალური ნომრებით დაიხურება.
სოფლის ტურიზმის ფესტივალი ,,განდგანა“ აჭარაში 2015 წლიდან იმართება და მისი მიზანი მთიანი აჭარის პოპულარიზაციაა.
ღონისძიების ორგანზიატორი აჭარის ტურიზმისა და კურორტების დეპარტამენტია. უწყებას ფესტივალისთვის 76 900 ლარი აქვს გამოყოფილი.
9
s
s
s