10, მაისი 2019 17:15:00
ამ დრომდე არ გამოვლენილა იმ პირის ვინაობა, რომელმაც აჭარის საზოგადოებრივი მაუწყებლის სათვალთვალო კამერის კადრები გაავრცელა. კომპანიაში პერსონალურ მონაცემთა დაცვის ინსპექტორის წარმომადგენელს ელოდებიან, რომელიც მხარეთა პოზიციებს გაეცნობა. ფაქტის მოკვლევა თავდაპირველად არხის მენეჯმენტმა დაიწყო, თუმცა მოგვიანებით გადაწყდა, რომ სასურველია პროცესი ნეიტრალურმა პირმა შეისწავლოს. დირექტორის მოვალეობის შემსრულებლის თქმით, ოთახზე, სადაც ვიდეო კადრების ჩანაწერები ინახება, წვდომა ორგანიზაციის რამდენიმე თანამშრომელს აქვს, შესაბამისად რთულია კადრების გამავრცელებლის დადგენა. ცნობისთვის, 1 მაისს, სოციალურ ქსელებში ყოფილი დირექტორისა და თანამშრომლების შეხვედრის ამსახველი კადრები გავრცელდა. ეს ის გვერდი იყო, სადაც ნათია კაპანაძის რეპუტაციის შემლახველი მასალები იტვირთებოდა, თუმცა გამძიების დაწყების შემდეგ აღნიშნული გვერდი ადმინმა წაშალა.