LIVE
აჭარის ტელე-რადიო დეპარტამენტში გამოცხადებული კონკურსის შედეგები ცნობილია

აჭარის ტელე-რადიო დეპარტამენტში გამოცხადებული კონკურსის შედეგები ცნობილია

ავტორები: ?????? ???????, ?????? ????????, ????? ?????????

დღეს აჭარის რადიოს 13-საათიანი საინფორმაციო გამოშვება წამყვანის არარსებობის გამო ეთერში არ გასულა. აჭარის ტელე-რადიო დეპარტამენტში გამოცხადებულ კონკურსში წამყვანის პოზიციაზე შესაბამისი კანდიდატი ვერ შეარჩიეს. რადიოს საინფორმაციო სამსახურის პროდიუსერი აცხადებს, რომ წამყვანის სამ პოზიციაზე ისევ ვაკანსიაა.

აჭარის ტელე-რადიო დეპარტამენტში გამოცხადებული კონკურსის შედეგები დღეს გახდა ცნობილი. საინფორმაციო სამსახურის კორესპონდენტის პოზიციის დატოვება ხათუნა შუშანიძეს, შორენა იმნაძეს, ნათია ზოიძეს, მარინა მანჯავიძეს და ნატალია კიკვაძეს მოუხდათ. კონკურსის შედეგებით და ჟიურის ობიექტურობით კმაყოფილია ტელე-რადიო დეპარტამენტის თანამშრომელი ტარიელ ცეცხლაძე. მისი თქმით, იგი დააწინაურეს და საინფორმაციო გამოშვების დაგეგმვა და თოქ-შოუს პროდიუსინგი ევალება.

საკონკურსო კომისიის თავმჯდომარე კონკურსანტების პროფესიული უნარებით უკმაყოფილოა. თინათინ დვალიშვილი ჩვენთან სატელეფონო საუბარში აცხადებს, რომ ჟიურის პროფესიონალი კადრების შერჩევა გაუჭირდა, ამიტომ რამდენიმე ადგილი ისევ ვაკანტური დარჩა.

ტელე-რადიო დეპარტამენტის დირექტორი სოსო სტურუა არ გამორიცხავს იმ ჟურნალისტების სხვა პოზიციაზე გადანაწილებას, რომლებმაც საკონკურსო პირობები ვერ დააკმაყოფილეს. მისივე თქმით, კონკურსის ჩატარების მიზანი საინფორმაციო სამსახურის გადახალისება იყო. რაც შეეხება აჭარის რადიოს საინფორმაციო გამოშვებებს, სოსო სტურუას თქმით, იქ პარალელურად ტელევიზიის წამყვანები იმუშავებენ. ასევე ტელევიზიის ჟურნალისტები მოამზადებენ ახალ ამბებს რადიოსთვის.

აჭარის ტელე-რადიო დეპარტამენტის ჟურნალისტებს შედეგების გასაჩივრების უფლება ორი დღის განმავლობაში ექნებათ.


კომენტარები


Content on this page requires a newer version of Adobe Flash Player.

Get Adobe Flash player

 

მაუწყებლის ყოველკვირეული ინფორმაცია

 

არქივი
ორ
სმ
ოთ
ხთ
პრ
შბ
კვ
12345678910111213141516171819202122232425262728293031
გამოკითხვა