ავტორები: სოფო ბურჭულაძე, ნიკა ტუღუში ბათუმში სამხედრო სავალდებულო გაწვევის პროცესი მიმდინარეობს. წვევამდელთა საგაზაფხულო გაწვევა მიმდინარე წლის 25 იანვარს დაიწყო და 1 ივლისს დასრულდება. ბათუმის სამობილიზაციო სამსახურის წარმომადგენლები სამხედრო სავალდებულო გაწვევის შესახებ ოფიციალურ შეტყობინებას წვევამდელებს სახლში უტოვებენ. აღნიშნული პირები 26 მაისის ქუჩის 45 ნომერში მდებარე გამწვევ კომისიაში უნდა გამოცხადდნენ. შერჩევის შემდეგ წვევამდელები საქართველოს შემკრებ-გამანაწილებელ პუნქტში სამედიცინო შემოწმებას გაივლიან. იმ შემთხვევაში, თუკი ახალგაზრდა სამხედრო-სავალდებულო სამსახურში არ გამოცხადდება, მის წინააღმდეგ ადმინისტრაციული სასჯელი გატარდება და იგი 1 000 ლარით დაჯარიმდება. თუკი წვევამდელი აღნიშნულ თანხას 1 თვის ვადაში არ გადაიხდის, მას 30-დღიან პატიმრობას შეუფარდებენ. გაწვევის გადავადების შემთხვევაში დაინტერესებულ პირს მოსაკრებლის გადახდა შეუძლია.