ავტორები: ლიზი თედორაძე, თენგიზ ვადაჭკორია მერიის ჯანდაცვის პროგრამაში მარტოხელა დედებისთვის გათვალისწინებული შეღავათების საჯარო განხილვა დღეს ბათუმის საკრებულოს სხდომათა დარბაზში კავშირ “პროგრესის” ინიციატივით მოეწყო. მერიამ მიმდინარე წელს პროგრამაში ცვლილებები განახორციელა, რომელიც მარტოხელა დედებისთვის 200 ლარიანი დაფინანსების ნაცვლად პროფესიულ გადამზადებას ითვალისწინებს. აღნიშნულმა გადაწყვეტილებამ ბენეფიციართა უკმაყოფილება გამოიწვია.მარტოხელა დედების ხელშეწყობის პროგრამა 2005 წლიდან აჭარის ჯანდაცვის სამინისტროს ინიციატივით მუნიციპალიტეტების ბაზაზე ხორციელდება. 2009 წლიდან პროგრამის მიზნობრიობა შეიცვალა, მიმდინარე წელს კი დაფინანსების ხარჯები გაიზარდა, საერთო თანხამ 1 200 000 ლარი შეადგინა.მიმდინარე წელს პროგრამის დასაფინასებლად ქალაქის ბიუჯეტში 45 000 ლარია გათვალისწინებული, თანხა მარტოხელა დედების გადამზადებას და კომუნალური გადასახადების გადახდას მოხმარდება. მერიის ჯანდაცვის სამსახურის უფროსის განმარტებით სასწავლო სპეციალობები კვლევების საფუძველზე შეირჩევა. თუმცა კავშირ “პროგრესის” კვლევები პროგრამის ეფექტურობის საფუძველს არ იძლევა.მარტოხელა დედები გადამზადების პროგრამის პარალელურად სოციალური მდგომარეობის გაუმჯობესებას ითხოვენ.